1. أيه هو الكون وإزاي بنشوفه

كل شئ وله أصل. وأصل الأصل أيه؟!!ـ 

العلم مايعرفش الكون جه منين, وده واحد من الأسباب المهمه لظهور كل صوره من صور الإيمان والإحساس الروحاني, اللي بيعدي بعد حدود العلم, وبشكل مستقل عن العلم. ولكن, العلم يقدر يقولنا, الكون اللي احنا قادرين نلاحظه حولينا, جه إزاي“, وإمتى كمان

دي صوره لجزء صغير جداً من الكون,  بيبين مجموعه مجرّات (تجميعات نجوم) إسمها "فورناكس" بعيده جداً كانت موجوده زمان, ده النور اللي طالع من المجرات دي. النور ده أخد 13 بليون سنه (13,000,000,000) عشان يسافر من الشموس اللي في المجرات دي ويوصل لعدسة التليسكوب اللي سجلت الصوره دي في 2004. يعني الصوره دي هي حال مجموعة فورناكس من 13 بليون سنه فاتو. إنما في اللحظه اللي الصوره دي اتسجلت فيها, مجموعة فورناكس شكلها مش كده خالص, ويمكن تكون مش موجوده اصلاً
دي صوره لجزء صغير جداً من الكون, بيبين مجموعه مجرّات (تجميعات نجوم) إسمها “فورناكس” بعيده جداً كانت موجوده زمان, ده النور اللي طالع من المجرات دي. النور ده أخد 13 بليون سنه (13,000,000,000) عشان يسافر من الشموس اللي في المجرات دي ويوصل لعدسة التليسكوب اللي سجلت الصوره دي في 2004. يعني الصوره دي هي حال مجموعة فورناكس من 13 بليون سنه فاتو. إنما في اللحظه اللي الصوره دي اتسجلت فيها, مجموعة فورناكس شكلها مش كده خالص, ويمكن تكون مش موجوده اصلاً

وقبل ما أبدأ اتكلم عن بداية الكون ونظرية الإنفجار الكبير“, احب ائكد على حاجه مهمه أوي, وهي أيه المقصود بالظبط, لما بنقول كلمة الكون“. الكون بالنسبالنا هنا هو كل الحاجات اللي احنا قادرين نشوفها على كوكب الأرض وخارج كوكب الأرض, أو نستدل على وجودها بالمنطق. ملاحظة الكون ودراسته بتحصل بطريقتين, والاتنين مع بعض في نفس الوقت, هما اللي بيخلونا نقدر نفهم الكون اكتر واكتر. الحاجه الأولى هي عِدة الملاحظه المختلفه, كل الأدوات العمليه اللي بتخلينا نقدر نتفرج على السما ونلاحظ الحاجات الكتيره اللي بتحصل في الكون, بعيد جداً جداً عن الأرض. زي تليسكوب هابلمسلاً (Hubble Space Telescope) اللي قدر يشوف المجرات البعيده أوي دي اللي في الصوره اللي فوق, ويصورها بجوده كويسه عشان نقدر نبص فيها بتأني ونحاول ندرسها

تيليسكوب "هابل" في الفضاء
تيليسكوب “هابل” في الفضاء

في أدوات تانيه كتير بيستخدمها علماء الكون, زي عداد الطيفمسلاً (spectrophotometer), وده بيسجل ويحلل درجة شعاع النور (الطيف) اللي طالع من نجمه معينه, وعن طريقه ممكن نعرف النجمه دي بعيده عننا قد أيه. ده غير أدوات تانيه كتير

عداد الطيف
عداد الطيف

لكن كل الأدوات دي مش كفايه, ومافيش غنى عن استخدام العقل والمنطق (الاستدلال) وعلوم الهندسه والرياضيات, مش بس عشان نفهم المعلومات اللي الأدوات دي بتقولهلنا, لكن كمان عشان نحاول نفهم حاجات الأدوات العمليه دي مش ممكن تفسرهلنا, وعشان نقدر نربط كل الحاجات اللي في الكون ببعض. ومسلاً, نقدر بالعقل لوحده, نعرف نجمه معينه بعيده عننا قد أيه, من غير ما نستخدم عداد الطيف“. وده بيحصل فعلاً عن طريق استخدام رسم المسلسات الهندسيه. لو احنا مسلاً عارفين المسافه مابين الشمس ونجمه تانيه, والزاويه مابينهم, نقدر نرسم مسلس يربطهم مع نجمه تالته احنا مش عارفين هي بعيده قد أيه, بس عارفين هي فين (يعني عارفين زاويتها). ومن حساب الزوايا نقدر نعرف النجمه التالته دي بعيده قد أيه بالظبط

مسال لحساب المسلسات: النقطتين الزرق دول بتوع كوكب الأرض بعد ما لف نص لفه حولين الشمس (اللي في النص) في 6 شهور. الخط مابين النقطتين دول طوله 186 مليون ميل. لو سجلنا الزاويه من النقطتين الزرق بتوع الأرض بالنسبه لنجمه احنا مش عارفين هي بعيده قد أيه (النقطه البيضه اللي فوق), نقدر نرسم مسلس مابين النقط كلها ونحسب الزوايا ونعرف النجمه بعيده قد أيه بالهندسه, يعني بعقلنا بس ومن غير أدوات قياس زي عداد الطيف
مسال لحساب المسلسات: النقطتين الزرق دول بتوع كوكب الأرض بعد ما لف نص لفه حولين الشمس (اللي في النص) في 6 شهور. الخط مابين النقطتين دول طوله 186 مليون ميل. لو سجلنا الزاويه من النقطتين الزرق بتوع الأرض بالنسبه لنجمه احنا مش عارفين هي بعيده قد أيه (النقطه البيضه اللي فوق), نقدر نرسم مسلس مابين النقط كلها ونحسب الزوايا ونعرف النجمه بعيده قد أيه بالهندسه, يعني بعقلنا بس ومن غير أدوات قياس زي عداد الطيف

المهم من كل الكلام ده, هو إننا نقدر نعرف حاجات كتير جداً عن الكون, من غير ما نكون شايفينها قصاد عنينا. والأهم إننا نقدر بالمنطق نعرف ليه الحاجات دي بتتحرك بطريقه معينه, وعلاقتها أيه بالحاجات التانيه اللي في الكون

—————————————————–

اللي قبله: استفتاح

اللي بعده: 2. الانفجار الكبير, مولد الكون

 ***

الفهرس

استفتاح

1. أيه هو الكون وإزاي بنشوفه (انت هنا دلوقتي)

2. الانفجار الكبير, مولد الكون

3. مولد النجوم

4. ميكانيكا الكون وعناصره الأوليّه

5. المجرات والخروم السودا

6. ختام الجزء الأول من الموسوعه

7. فِكره عن النظام الشمسي (الجزء التاني)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s