الطبيعه ـ(بحر, بحيره, النيل, السمك, النبات, الجو)ـ

بحر

أرض (عام) / جيب (Gebb) (الفيوم):ـ

قاع البحر. ولتحديدها من الأرض على البَر, بيتقال أرض الميه“. كلمة جيبأصلها مصري قديم, إسم أله الأرضفي الميتولوجيا المصري القديمه

إلاهة السما "نوت" وإلاه الأرض "جيب" براس تعبان

إلاهة السما “نوت” وإلاه الأرض “جيب” براس تعبان

باحه (بدو سينا) / غـَرَق (بحر أبيض) / غـُزر (Ghozr) (بحر أحمر) / هووري (بحر أبيض): أرض غويطه (يعني عُمق غويط). كلمة هووري هنا غير هووريفي البحر الاحمر, بيتقال على نوع مركب

بروور (البرلس): جمع بَر, جزاير في بحيرة البرلس, بتـُعتبر اماكن كويسه للصيد حوليها

البرور في قلب بحيرة البرلس

البرور في قلب بحيرة البرلس

جُرف (فيوم, بحيرة السد): إسم أي خليج صغير على طرف البحيره

كل التفريعات اللي طالعه من الجناب دي إسمها جروف, فيها نشاط صيد كبير

كل التفريعات اللي طالعه من الجناب دي إسمها جروف, فيها نشاط صيد كبير

حِرشه: لفظ بيستخدم لوصف الرمله, خصوصاً على أرض الميه. الرمله الحِرشه هي الرمله الخِشنه, لما تكون الرمله ماسكه في بعض وناشفه شويه فوق أرض الميه

حَرف (عام) / جَرف (جُبلي): حَرف البحر, أو جَرف النيل, يعني الشط. (لاحظ الفرق في المعنى مابين جُرف و جَرف في جُبلي)ـ

خِسيّه (Khesseyya) (بحر أحمر) / نـَجيصه (Nageesa) (جُبلي): أوطي ارتفاع لسطح الميه, سواء كان بسبب تأثير القمر (الجزر) أو, في حالة النيل, عوامل تانيه زي التحكم في منسوب الميه عن طريق خزان أسوان والسد العالي. عكس [طـُميّه] – [زياده]ـ

دَجّه (Dagga) (جُبلي) / شـَبطه (أو) وَعره (بحر أبيض): يعني مكان فيه صخر او اي حاجه ممكن تتحشر فيه الحبال او الخيوط في النيل. في البحر الأبيض بيُعتبر مكان كويس للصيد عشان عادة بيتجمع حوليه السمك

طاره (فيوم): ارتفاع الأرض تحت الميه في بعض الأماكن في بحيرة قارون, لحد ما توصل للسطح أو حتى تعلى على السطح

فوصمه (Fosma) (بحر أحمر): مساحه طوليه فاضيه مابين الشُعَب في البحر الأحمر, وبيستخدمها الصيادين كمَمَر لمراكبهم مابين الشَط والميه الغويطه. (أوقات بيتقال “كانيون” برضه, وده يبقى الاسم بالانجليزي Canyon)ـ

سِرب (serb) (البرلس): مَمَر بيفوت منه السمك مابين ماكنين في البحيره, وعادة المكان ده بيُستخدم فيه الصيد بالجوبيا (شوف عِدِّة وطُرُق الصيد)ـ

شـَبطه (او) وَعره (بحر ابيض): اماكن تجمع مخلفات طبيعيه أو صناعيه في البحر, عادة بتبقى مناطق تجمع للسمك في البحر الابيض

طـُميّه (Tommeyya) (بحر أحمر) / زياده (جُبلي): أعلى ارتفاع لسطح الميه, سواء كان بسبب تأثير القمر (المد) أو, في حالة النيل, عوامل تانيه زي التحكم في منسوب الميه عن طريق خزان أسوان والسد العالي. عكس [خِسيّه] – [نـَجيصه]

قـَطع (فيوم, بتتنطق ءَطع): مكان غويط, زي الـ[فوصمه] بيفصل مابين جزئين في الـ[طاره] (يعني الارض المرتفعه) وبيسمح بمرور الفلوكه منه

مابين الميتين: عمق متوسط

====

نبات

جاموول (البرلس): نبات اخضر بيطلع في ارض بحيرة البرلس

نبات الجامول, البرلس

نبات الجامول, البرلس

جيزوا (Gezwa) (بحر أحمر): نبات أخضر زي الحشيش, بينمو على أرض الميه في البحر الأحمر

نبات الجيزوا, البحر الاحمر

نبات الجيزوا, البحر الاحمر

حطب (برلس): نوع نبات لونه بني محمِر, بيطلع على شط بحيرة البرلس

نبات الحطب, البرلس

نبات الحطب, البرلس

حَطَوايه (فيوم): جزع شجره رفيع بيبقى طالع من العمق لفوق سطح الميه. بيستخدموالصيادين لربط الشبك فيه

حطوايه, الفيوم

حطوايه, الفيوم

خـَبوه (Khabwa) (جُبلي): نبات أخضر مفرود بيعوم على شط النيل (غير ورد النيل)ـ

سَرسَبان (جُبلي): نبات أخضر ليه ورده صفرا صغيره موجود بكتره على شط النيل في جُبلي

نبات السرسبان, جُبلي

نبات السرسبان, جُبلي

غَجوور (جُبلي): نبات أخضر ليه ورده حمرا موجود بكتره على شط النيل, أوقات بيسموه ورد النيلوده مالوش علاقه بـ ورد النيل الأخضر اللي بيبقى عايم على وش مية النيل

عِشرِج (بدو سينا): نبات بُني بيتجمع على الشُعَب في البحر الأحمر

P1020759

غاب (أو) هييش (جُبلي) / عَفش (القاهره) / حَجنه (أو) زِمّير (7agna – Zemmer) (فيوم): نبات بيبقى لونه اخضر وبعدين بيبقى بني فاتح رفيع وطويل, بيطلع في اماكن مختلفه في النيل, بيُعتبر مكان لتجمع السمك في اوقات معينه في السنه, وفيه طريقة صيد إسمها الجانب (في البرلس) أو المشنقه (في القاهره) معتمده على الصيد في مناطق نمو الغاب. فيه منو انواع واشكال مختلفه

نبات الهييش أو الغاب, ليه أسماء تانيه كتير, الصوره من أسوان

نبات الهييش أو الغاب, ليه أسماء تانيه كتير, الصوره من أسوان

الحجنه أو الزمير في بحيرة قارون, الفيوم

الحجنه أو الزمير في بحيرة قارون, الفيوم

هَرَف (Haraf) (بدو سينا): يعني الشـُعَب المرجانيه

الهرف (بدو سينا)ـ

الهرف (بدو سينا)ـ

يُسر (بدو سينا): نوع من الشُعَب بيتعمل منه أحجار كريمه. في انواع كتير من الشعب وكل نوع ليه إسم

====

سمك

بَخ (عام): لما السمكه النتايه تطلع عيالها من خشمها بعد ما يبيضو, بيتقال إنها بَخِّت“. بيتقال بَخِّت عامناوَّلعلى السمكه اللي تكمِّل سنه بعد ميلادها (أو بعد بَخـّها)ـ

بخ البيض

بخ البيض

بَوّار (أو بووره) (Bawwar – Boora) (جُبلي) / مَرَن (Maran) (فيوم) / صَحن (البرلس): إسم الحفره اللي السمكه بتعملها في أرض الميه عشان تحط [تبُخ] فيها البيض بتاعها

تنكييت (جُبلي): بيتقال السمكه بتتنَكَّت“, يعني بتدفن نفسها في أرض الميه في النيل. أصلها قبطي: ⲛⲕⲟⲧⲕ بمعنى الغطس أو الوقوع لتحت. وليها أصل مصري قديم, ـ

فَرفِت (Farfet) (جُبلي) / فَرفِش (فيوم) / لَعبَط (البرلس, بحري) / رَعص (السمكه ترعُص) (بدو سينا): حركة السمكه أول ما تطلع من الميه. كلمة فرفت ليها أصل مصري قديم, ⲡⲱⲧ او ⲫⲱⲧ بمعنى نط” (هيروغليفي: ). وكلمة فَرفَر برضه, ليها أصل مصري قديم: ϥⲟⲣϥⲉⲣ (هيروغليفي ) بمعنى اترعش

دَلش (جُبلي): بيتقال السمكه بتـُدلـُش“, لما تطلع مره واحده وبسرعه من الـ[بوره] (حفره في أرض النيل), لحد وش الميه وتنزل تاني. مش واضح أيه اللي بيخلي السمكه تعمل كده, بس الصيادين بيقولو إنها بتعمل كده مخصوص وقت ما تكون بتحفر البوره عشان تِبُخ عيالها, وعشان كده بيجي على جِسمها عفره كتير, فـ بتطلع تدلش عشان تنفض العفره من على جسمها

زَرّييعه (Zarree3a) (عام): السمك اللي لسه مولود وصغير

زريعه ميته في بحيرة البرلس

زريعه ميته في بحيرة البرلس

قـَص (فيوم): بيتقال السمك بيقـُص, يعني بيلف من حولين اي مكان معين

كشاكيل (البرلس): نوع من الصَدَف في بحيرة البرلس

مَروو (Maroo) (بحر احمر وبحر ابيض) (بالانجليزي: Plankton): الكائنات الرخويه اللي بتطلع نور خفيف (غالباً أخضر) واللي بتبقى عايمه في البحر, عادة بتبقى علامه على وجود السمك ف المنطقه عشان السمك بياكلها. في الصيد الآلي (الشانشولـّه), وجود المَروو ممكن يغني عن تنوير كلوبات صناعيه لجذب السمك. عشان كده كلمة مَرووبرضه بتعتبر طريقة صيد, تنوع على الشانشولـّه

صوره للنور اللي بيبقى طالع من المَروو

صوره للنور اللي بيبقى طالع من المَروو

تجميعه مختلفه من المَروو, النور ده بيبقى غالباً علامه على وجود السمك في المنطقه دي وبيغني عن الحاجه لجذب السمك بنور صناعي

تجميعه مختلفه من المَروو, النور ده بيبقى غالباً علامه على وجود السمك في المنطقه دي وبيغني عن الحاجه لجذب السمك بنور صناعي

====

الحاله الجويه

عَدَل: جَوْ حِلو. سما صافيه وريح معتدل وبحر ساكن. “الجَوْ عَدَل“. كلمة عَدَل كلمه عامه بتُستخدم في كل مصر كمرادف لكلمة الرِزقأو الحاله الكويسه لكسب الرِزق.

لَبَش: عكس عَدَل, جَو صعب للمراكب والصيد.

نفخ: لما الريح يشتـَد, بيتقال الريح نـَفـَخ”ـ

====

مصادر تانيه

موسوعة الأحياء المائية, الهيئة العامة لتنمية الثروة السمكيه

=========================

فهرس القاموس:ـ

استفتاح

طُرُق الصيد

عِدِّة الصيد

مكونات وصناعة المراكب

أنواع المراكب

الملاحه

الطبيعه (انت هنا دلوقتي)ـ

الحبال والخيوط, أنواعها وربطاتها

=======================

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s