الحبال والخيوط, أنواعها وربطاتها

فيه في مصر انواع كتير من الحبال, مُعظمهم معمولين يا إما من الحرير أو حاجه إسمها “بوليستر”. في نوع كمان من الحبال بيبقى معمول من طبقات ملفوفه على بعض من ماده زي كياس البلاستيك

أرم, أو مِئارمه (عام): في طريقة صيد [الأم والبنـيّه], المئارمه هي عملية ربط خيط البنيه الفرعي بخيط الأم الرئيسي (الصيادين اوقات بيقولو “البنيه تروح لامها”). ربطة [الغاصه الجاريه] عادة بتستخدم لربط البنيه في الأم

الأم والبنيه شرح

بَت (Batt) (بحر أبيض وأحمر) strands: خيط من مجموع الخيوط (بتووت) اللي لما بتتلف على بعض يعملو حبل واحد. عادة حبال الصيد بيبقى فيها 3 أو 4 بتووت. كلمه أصلها قبطي: ⲡⲓ-ⲕⲟⲧ بنفس المعنى على خيوط الخيش اللي بتتعمل منها الاسبات أو الاقفاص (بكوتي, بتووت)ـ

لف البتووت وعمل الحبال

لف البتووت وعمل الحبال

البتووت

البتووت

برييد (Breed): إسم حبل في الونش, بيستخدم في الصيد الألي

تطريس (جُبلي) / تلوييش (بحر أحمر, السويس): بيتقال الخيط او الحبل “اتطرس” أو “لوِّش”, يعني اتحشر أو شـَبَك في حاجه

حِدْ أو حَرَّب: شِد أو مشدود. بتتقال خصوصاً على الحبل اللي بيشد الشراع بالمقاومه مع الريح, أو في حبال الشبك أو السنار. بيتقال: الحبل محرّب, يعني مشدود. المصطلح ده عام في مصر بيتقال على كل الحبال مش بس في الصيد او الملاحه النهريه

    الحِياصه: الحبل القصير اللي بيربط المئداف في الـ[شِكِرمو]ـ

حيَّص (بحر أحمر): لما الخيط يتكلكع ويتبِرِم في بعضه في الميه أو وقت اللَم, بيتقال إنو بقى “محيَّص”. في المثل العام بيتقال “حيص بيص”, يمكن يكون فيه علاقه

سَلَب (salab) (البرلس) / مجاط (جُبلي) / مئاط (بحري): مرادفات لكلمة حَبل“. كِلمة سَلَبهبتتقال في جُبلي مخصوص على الحبل اللي بيتربط فيه الهـِلب

شـَعره: إسم الخيط القوي والطويل, اللي بيبقى ماسك الشبكه من أولها لآخرها, بيتشد بالتوازي مع سحب الشبكه وقت اللم, عشان يقفل على السمك من تحت

شغوول (جُبلي): إسم حبل الـ[بوومه] في فلوكة جُبلي

كانتاريسه (جُبلي): إسم الحبل اللي لما يتشد يلِم قماش الشراع, او يترخي فيفرده. شوف فلوكة جُبلي

كَسرَه (جُبلي) / غاصه (بحر أحمر): مرادفات لكلمة عُقده أو رَبطه. بيتقال كَسرة وَتـَد (نوع عُقده) و “شـُك الغاصه”, يعني أعقد العقده

لِبان: إسم الحبل اللي بيتربط في المركب (عادة من أولها لآخرها) ويشدو الصياد أو المراكبي وهو ماشي على أرض الميه لحد البر. أصلها قبطي: ⲗⲉⲃⲁⲛ بنفس المعنى

نـَشو (Nashw) (بحري, منزله) / البوش (بحر احمر, بحر ابيض): عكس [حِدْ أو حَرَّب], اي حاجه مرخيه, شراع او حبل. بيتقال: “نَشـّي الحبل”, أو سيب البوش للحبل”. كلمة البوش غالباً اصلها قبطي (ⲟⲟⲩϣ) بمعنى فاضي او حُر”ـ

العُقد (الكسرات, أو الغاصه

 

كَسرَه (جُبلي) / غاصه (بحر أحمر): مرادفات لكلمة عُقده أو رَبطه. بيتقال كَسرة وَتـَد (نوع عُقده) و شـُك الغاصه“, يعني أعقد العقده

غاصه جاريه (بحر احمر) / بالانجليزي: Poacher’s Knot (or) Strangle Snare:ـ

العقده دي مشروحه بالتفصيل في اللينك ده: http://www.animatedknots.com/poachers/index.php?Categ=typeendloops&LogoImage=LogoGrog.jpg&Website=www.animatedknots.com

غاصه مستعجله (بحر احمر) / بالانجليزي: Super Munter Hitch:ـ

مشروحه بالتفصيل في اللينك ده: http://www.animatedknots.com/muntersuper/index.php?Categ=typehitches&LogoImage=LogoGrog.jpg&Website=www.animatedknots.com

وَتَد (عام) / بالانجليزي clove hitch:ـ عقده سهله. منتشره في حاجات تانيه غير الصيد. مشروحه بالتفصيل في اللينك ده:http://www.animatedknots.com/clove/index.php?LogoImage=LogoGrog.jpg&Website=www.animatedknots.com&Categ=boating

 خاليه (جُبلي): يعني سهله, بيتقال عُقده خاليه, يعني حلها سهل

 موت: بيتقال العقده تموتلما ماينفعش تتحل

 سلطاني (فيوم): إسم نوع عُقده فكها صعب

========================

فهرس القاموس:ـ

استفتاح

طُرُق الصيد

عِدِّة الصيد

مكونات وصناعة المراكب

أنواع المراكب

الملاحه

الطبيعه

الحبال والخيوط, أنواعها وربطاتها  (انت هنا دلوقتي)ـ

=======================

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s