مكونات وصناعة المراكب

الأزأ (Aza2)ـ

دلوقتي كلمة أزأ بتتقال على أي ورشه قريبه من الشط, بتتطلع عليها المراكب عشان تتصلح وبيتصنع فيها برضه مراكب جديده وتنزل الميه. في الأصل الكلمه دي كانت بتتقال على تشكيل معين, طويل, معمول من الخشب والحديد, بيبقى ممدود من الميه لحد الورشه, عشان المركب تتسحب عليه من الميه للبر, وبيتصمم او يتركب حسب شكل المركب من تحت. دلوقتي التشكيل ده بقى يتقال عليه كرسيوكلمة أزأ بقيت تتقال على الورشه نفسها

طلعة الأزأ, جزيرة أسوان

طلعة الأزأ, جزيرة أسوان

ورشة صناعة المراكب في برج البرلس

ورشة صناعة المراكب في برج البرلس

عِدِّة الأزأ: نشارة الخشب

عِدِّة الأزأ: نشارة الخشب

عِدِّ الأزأ: وِنش سحب المراكب للبر

عِدِّ الأزأ: وِنش سحب المراكب للبر

قطاعة الحديد, من عِدِّة الأزأ

قطاعة الحديد, من عِدِّة الأزأ في اسوان

كرسي (عام): تشكيل معين, طويل, معمول من الخشب والحديد, بيبقى ممدود من الميه لحد الورشه, عشان المركب تتسحب عليه من الميه للبر, وبيتصمم او يتركب حسب شكل المركب من تحت

صوره للكرسي من أزأ في برج البرلس

صوره للكرسي من أزأ في برج البرلس

التزنير

كلمة التزنير بتستخدم في صناعة مراكب الصيد الآلي الكبيره, لكن العمليه موجوده بأشكال مختلفه في صناعة كل المراكب. التزنير هو عملية تركيب الهيكل الأساسي للمركب

هيكل (أو) عَضم (عام): تكوين الخشب الاساسي لأي مركب, بيبقى معمول من خشب قوي (اشجار التوت او الكافور) وبيتعمل منه الـ[شـَلـَمان] والـ[إطربل]ـ

العِرق الفاتح من شجرة كافور, والغامق من شجرة توت

العِرق الفاتح من شجرة كافور, والغامق من شجرة توت

تجميعه من عروق شجر الكافور والتوت, برج البرلس

تجميعه من عروق شجر الكافور والتوت, برج البرلس

عروق الخشب دي بتتشال بالونش لحد ماتدخل الورشه اللي فيها بتتقطع وتتسنفر عشان تبقى جاهزه لعملية التزنير

ونش رفع عروق الخشب

ونش رفع عروق الخشب

منشار الخشب

منشار الخشب

عِدِّة سنفرة عروق الخشب

عِدِّة سنفرة عروق الخشب

بعد كده الخشب بيبقى جاهز لعملية التزنير

عيدان الخشب جاهزين لعملية التزنير

عيدان الخشب جاهزين لعملية التزنير

عيدان الخشب بعد عملية التزنير

عيدان الخشب بعد عملية التزنير

مصطلحات عامه في هيكل المراكب 

زيو (Zew) (جُبلي) / هيدَر (بحر احمر, عام) / عَضم: ضلوع المركب اللي جايه بالعرض

حصيره (عام): فرشة خشب أو صاج في أرضية المركب

فانوس (جُبلي): الإطار الخارجي للمركب اللي بيلم كل الضلوع (الزيو أو الهيدَر)ـ

شـَلـَمان (بحر احمر) / إطرَبل (بحر أبيض, مراكب الصيد الآلي): الخشبه الرئيسيه الكبيره والعريضه, اللي بتبقى ماسكه ضلوع المركب كلها من تحت

الضلوع, العضم, العيدان, الهيدر, الزيو, كلها اسماء مختلفه لهيكل المراكب الأساسي

الضلوع, العضم, العيدان, الهيدر, الزيو, كلها اسماء مختلفه لهيكل المراكب الأساسي

تفصيل هيكل المراكب

تفصيل هيكل المراكب

التلويح:ـ

عملية تني الواح الخشب في اشكال معينه, بعده إسمها الـ[غزاله], عشان تركب على عضم المركب, عملية صعبه وليها صنايعيه متخصصين

غزاله: العده اللي بتستخدم في عملية التلويح, يعني تني الواح الخشب في اشكال معينه عشان تركب على عضم المركب

الغزاله والتلويح, في ورشة برج البرلس

الغزاله والتلويح, في ورشة برج البرلس

صوره عامه لعملية التلويح, ورشة برج البرلس

صوره عامه لعملية التلويح, ورشة برج البرلس

 

 Alfata الألفطه

مرحله مهمه في صناعة مراكب الصيد الآلي, حشي الفراغات اللي مابين ألواح الخشب بتاعة جسم المركب, بخيوط حرير داخله في بعض إسمها [ستوبّا] أو مِشاك, عشان تمنع تسريب أي ميه لجوا المركب. فيه صنايعيه متخصصين في الألفطه

ستوبّا (stoppa) (وأوقات بيتقال “مِشاك”): إسم نوع الحرير, اللي بيُستخدم في عملية الـ [ألفَطَه] في صناعة مراكب الصيد الآلي

الألفطه

الألفطه

صنايعية الألفطه

صنايعية الألفطه

الخطين الطوال اللي ع الشمال لسه ماخلصوش, الخط اللي ع اليمين خلص (الألفطه)ـ

الخطين الطوال اللي ع الشمال لسه ماخلصوش, الخط اللي ع اليمين خلص (الألفطه)ـ

 

المرايا

دايره غويطه مجوفه في مؤخرة مراكب الصيد الآلي والمراكب الكبيره عموماً, بيركب فيها الـ[رَفـّاص] اللي بيزُء المراكب. حفر الدايره دي بيُعتبر حاجه صعبه ومهمه جداً عشان بتحتاج دقه عاليه جداً, وفيه نجارين متخصصين في المرايا

المرايا

المرايا

الرفاص (لونه أصفر غامق), ورا المئداف في مراكب الصيد الآلي, بعد دخوله في المرايا

الرفاص (لونه أصفر غامق), ورا المئداف في مراكب الصيد الآلي, بعد دخوله في المرايا

مصطلحات وتفصيلات عامه في كل المراكب

BoatAnatomy2

ـ1ـ بووز (عام) / هلال (الفيوم)ـ

ـ2ـ بِرِوَّه (Berewwa) (عام) / أرفووص (فيوم): الجزء القدماني من المركب, عكس الـ[إش] أو الـ[مُخر]ـ

ـ3ـ باتونسه (Batonsa) (عام: جُبلي, بحر أبيض, بحري) / كِويرته (Kewerta) (بحر أحمر) / سَطح (فيوم): سَطح المركب القدماني (أو من ورا برضه في حالة السُمبُك)ـ

ـ4ـ جاغوص (سُمبُك جُبلي) / عَتـَبه (فلوكة الفيوم): خشبه بالعرض بتفصل البِرِوَّه (التِلت القدماني) من المركب عن التِلتين التانيين

ـ5ـ إش (بحر ابيض واحمر) / مُخر (وجه بحري, أو “مُخار” في البرلس): الجزء الوراني من المركب. عكس كلمة [البِرِوَّه]ـ

ـ6ـ تـَنكه (جُبلي) / مرايا (بحر أبيض) / تِرس (بحر أحمر): مكان مخصوص لتركيب الماتور في مؤخرة المركب

خـُن (Xon) (بحر أحمر, جُبلي, بتتنطق خينفي بحري) / شووم (Shoum) (مطريه, منزله) / يتأ (Yata2) (اسكندريه, بحر أبيض) / العنبر القدماني (سويس, منزله) / طَرمه (نادر, أسوان) / صِطام (فيوم):ـ

المكان المفرَّغ اللي تحت [البِرِوَّه] و [الإش], يعني الحِته القدمانيه والأخرانيه في السُمبُك أو الفلوكه. مكان للمعيشه والطبيخ وبينام فيه الصيادين, ولو الفلوكه كبيره ممكن يشيل أكتر من صياد. يا عيب الشووم” (تعبير شايع): بتقصد الحاجات العيب (غالباً اللي ليها طابع جنسي“) اللي ممكن تحصل في الشووم!ـ

ـ8ـ سكينه (عام): الطرف التحتاني اللي بيقسم المركب نصين من تحت. ليه درجات مختلفه من الميل حسب نوع المركب. فيه نوع مركب صغيره, إسمها [الهوري] في البحر الأحمر, مافيهاش الميل ده خالص, يعني مسطحه من تحت

كِشوه (السويس, بحر احمر): الميل التدريجي للمركب من تحت, واللي بينتهي مع خط الـ[سكينه]ـ

السكينه

السكينه والكِشوه

مصطلحات عامه في المئداف

المئداف

المئداف

ـ1ـ شِكِرمو (Shekermu) (عام. أوقات: شِكرِم – Shekrem) / عوود (فيوم) / وَتَد (جُبلي) / غـَرْز (Gharz) (بحيرة السد):ـ

خشبه على شكل خابور, بيخش في [الجاليه]. بيتعمل عشان يتربط فيه [الحِياصه] (يعني حبل المئداف). بعض الأوقات بيتعمل من الحديد مش الخشب

ـ2ـ الجاليه: الفتحه اللي بيخُش فيها [الشِكِرمو]ـ

ـ3ـ الحياصه: الحبل القصير اللي بيربط المئداف في [الشِكِرمو]ـ

مصطلحات عامه في مراكب الشراع

شراع عام1

ـ1ـ صاري: العامود الطويل الرأسي اللي في نص المركب وبيتربط فيه الشراع

ـ2ـ فَرَمان (Faramaan) (سويس, منزله) / أريه (Arya) (البرلس, بحر ابيض) / جاريه (جُبلي) / دَجَل (بحر أحمر) / بووصه (فيوم): وصله خشب طويله بتركب في [الصاري] عشان يركب فيها [القماش] أو الشراع. اوقات بتبقى معموله من البوص الهندي, ومدكوكه في القماش

ـ3ـ قُماش (عام, وخصوصاً في السويس والمنزله) / جِلع (اسوان, جُبلي): شراع

ـ4ـ دَفـَّه (عام): تكوين مستطيل من الخشب بيبقى دايماً في مؤخرة مراكب الشراع, بيتحكم في حركتها المراكبي بعصايا (عصاية الدفه) وحسب حركتها يمين وشمال اتجاه المركب بيتحدد

الدفه

الدفه في فلوكه جُبلي

صوره واضحه للدفه في مراكب مصر القديمه, من مقبرة مينا كاتب الملك (1422 - 1411) ق.م

صوره واضحه للدفه في مراكب مصر القديمه, من مقبرة مينا كاتب الملك (1422 – 1411) ق.م

 

مصطلحات عامه

تـَنده (عام): أي خشبه مغطيه المركب من فوق, زي السطح

دَجّار (أو) سنّاد (أو) دوّاسه (جُبلي): خشبه عريضه مفروده على أرضية السُمبُك عشان الصياد يسند عليها رجله ويعادل بيها توازن جسمه اللي بيميل مع التأديف

زودياك (عام): بلاستيك منفوخ هوا, بيتركب في أرضية الفلايك عشان يخليها اخف وتطفو اكتر

سِجاله (Segaala) (وأوقات سَجاله أو سئاله) (عام): خشبه طويله بتربط مابين البَر والمراكب, عشان يمشي عليها الناس (السيّاح مسلاً) لما يجو طالعين المركب أو نازلين منها. في المواني الكبيره ممكن السِجاله تتقال على الرصيفاللي بيقوم بنفس الوظيفه. (غير سَجالهنوع الطـُعم!)ـ

شَمعه (عام): حلقه بيتربط فيها [الرباط] بتاع [الهِلب] أو [البُشليله], وبيبقى موجود في [البِرِوَّه] (أول المركب) أو [الإش] (آخر المركب)

 

الشمعه

الشمعه

فراميل (عام): قطع كاوتش بتركب في جناب المراكب عشان تمتص الصدمه مع الـ[سئاله] أو مع مراكب تانيه (زي ما بيحصل في المراسي

الفراميل

الفراميل

مزاريب (Mazareeb) (جمع مِزراب) (عام) / بواني (جمع بُنيه) (بحر احمر): فتحات أو خروم صغيره في بطنية (أرضية) المركب عشان يصرّف الميه اللي بتخش جوا. عادة بيكون على الـ[شلمان] أو الـ[كويرته]ـ

=============

فهرس القاموس:ـ

استفتاح

طُرُق الصيد

عِدِّة الصيد 

مكونات وصناعة المراكب (انت هنا دلوقتي)ـ

أنواع المراكب

الملاحه 

الطبيعه

الحبال والخيوط, أنواعها وربطاتها

==============

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s