كل القلوب

 يا رب باقي كام زمن على ضياع الروح

باقي كام ميلاد وموت، وكام جروح

وانا اللي نابني م الأسى في نُص عُمر

يردم جبال م القمم للسفوح

ٖ
يا رب ليه بس ماخلقتنيش حلوف

لا باحس ولا افكر ولا ف الدنيا باشوف

واحد × ستين ثانيه × سته مليار

تطلع حسبة اليوم على كل دقيقة خوف

ٖ
يا رب حنن قلوب الناس ع الناس

معقوله كل ده سببه شيطان وسواس

أكيد ماكانش ده ف الأصل قصد الخلق

ولا انت لحكمه عُليا وجودنا عملته مداس؟

ٖ
ـ*ـ

ٖ
عدي!ـ

عدي الجبال والصحاري والبحور

ياللي ميلادك ف الوجود شئ مجبور

ولا تسلِّم ولا تِكفر بضي النور

والشعر شاب والجسم داب بين القبور

عدي الجبال والصحاري والبحور

ياللي بدنياك ضمنت للجنه العبور

ٖ
كل القلوب على الخلاص قادره

بس العقول اللي سُكاتها أصيل نادره

ياللي غويت سراب الدنيا والأشكال

ده مافيش دوام غير بس في الآخره

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s